Շարունակում ենք գրել հայտնի բուսակերների մասին։ Իսկ այսօր կխոսենք մեծ գիտնականների, փիլիսոփաների ու գրողների մասին, ովքեր իրենց ընտրությունը կատարել են կյանքի օգտին՝ հրաժարվելով կենդանական ծագման սննդից՝ Էյնշտեյն, Պյութագորաս, Լեոնարդո դա Վինչի և այլք։
Շարքի նախորդ հոդվածները.
Լև Տոլստոյ, գրող. Լուսավորիչ, հրապարակախոս, կրոնական մտածող։ Ոչ բռնի դիմադրության գաղափարները, որոնք Տոլստոյը արտահայտել է «Աստծո թագավորությունը քո ներսում է» գրքում ազդել են Մահաթմա Գանդիի և Մարտին Լյութեր Քինգ կրտսերի վրա։
Պյութագորաս, փիլիսոփա և մաթեմատիկոս. Պյութագորասի կրոնական և փիլիսոփայական դպրոցի հիմնադիրը։ Պյութագորասի ուսմունքները հիմնված էին մարդասիրության և ինքնազսպման, արդարության և չափավորության սկզբունքների վրա: Պյութագորասը արգելում էր անմեղ կենդանիներին սպանել և վնասել նրանց։
Ալբերտ Էյնշտեյն, գիտնական. Հեղինակ է ֆիզիկայի ավելի քան 300 գիտական աշխատությունների, ինչպես նաև գիտության պատմության և փիլիսոփայության, լրագրության ոլորտի շուրջ 150 գրքերի և հոդվածների: Ժամանակակից տեսական ֆիզիկայի հիմնադիրներից, 1921 թվականին ֆիզիկայի Նոբելյան մրցանակի դափնեկիր, հասարակական գործիչ և հումանիստ։
Նիկոլա Տեսլա, ֆիզիկոս, ինժեներ, գյուտարար էլեկտրատեխնիկայի և ռադիոտեխնիկայի բնագավառում։ Լայնորեն հայտնի է էլեկտրաէներգիայի և մագնիսականության հատկությունների ուսումնասիրության մեջ իր գիտական և հեղափոխական ներդրմամբ։ SI համակարգում մագնիսական ինդուկցիայի չափման միավորը և ամերիկյան Tesla Motors ավտոմոբիլային ընկերությունը, որը կենտրոնացած է էլեկտրական մեքենաների արտադրության վրա, ստացել է Tesla անվանումը։
Պլատոն, փիլիսոփա. Սոկրատեսի աշակերտ, Արիստոտելի ուսուցիչ։ Համաշխարհային փիլիսոփայության իդեալիստական ուղղության հիմնադիրներից մեկը։ Պլատոնը վրդովվեց. «Մի՞թե ամոթ չէ, երբ մեր անկարգ կյանքի պատճառով բժշկական օգնություն է պահանջվում», մինչդեռ ինքը շատ ձեռնպահ էր, նախընտրում էր պարզ ուտելիքներ, ինչի համար էլ նրան անվանել էին «թուզասեր»։
Ֆրանց Կաֆկա, գրող. Նրա ստեղծագործությունները՝ ներծծված արտաքին աշխարհի և բարձրագույն հեղինակության հանդեպ աբսուրդով ու վախով, կարողանում են ընթերցողի մեջ արթնացնել համապատասխան անհանգստացնող զգացումներ՝ համաշխարհային գրականության մեջ եզակի մի երևույթ։
Մարկ Տվեն, գրող, լրագրող և հասարակական ակտիվիստ. Մարկը գրել է տարբեր ժանրերում՝ ռեալիզմ, ռոմանտիզմ, հումոր, երգիծանք, փիլիսոփայական գեղարվեստական գրականություն: Լինելով համոզված հումանիստ՝ նա իր ստեղծագործությամբ փոխանցել է իր գաղափարները։ Թոմ Սոյերի արկածների մասին հայտնի գրքերի հեղինակ։
Լեոնարդո դա Վինչի, նկարիչ (նկարիչ, քանդակագործ, ճարտարապետ) և գիտնական (անատոմիստ, մաթեմատիկոս, ֆիզիկոս, բնագետ). Նրա գյուտերը մի քանի դար առաջ էին իրենց ժամանակից՝ պարաշյուտ, տանկ, կատապուլտ, լուսարձակ և շատ ուրիշներ։ Դա Վինչին ասել է. «Վաղ մանկությունից ես հրաժարվում էի միս ուտելուց, և կգա մի օր, երբ մարդը կենդանիներին սպանելուն կվերաբերվի այնպես, ինչպես մարդկանց սպանությանը»: