Գիտնականներն ապացուցել են բուսակերության ազդեցությունը մարդու արյան ճնշման մակարդակի վրա։ Այս մասին փետրվարի 24-ին հայտնել է The Los Angeles Times-ը։
Ըստ գիտնականների՝ մսից խուսափելը թույլ է տալիս ավելի լավ վերահսկել արյան ճնշումը և կանխել հիպերտոնիան։ Ընդհանուր առմամբ, գիտնականները վերլուծել են ավելի քան 21 հազար մարդու տվյալներ։ Նրանցից 311-ն անցել է հատուկ կլինիկական թեստեր։
Բուսական որ մթերքներն են ամենաշատը ազդում արյան ճնշման մակարդակի վրա, գիտնականները չեն ճշտել։ Ընդհանուր առմամբ, ըստ հրապարակված հետազոտության, բուսակերությունն օգնում է մարմնին վերահսկել քաշը, դրա միջոցով այն դրական է ազդում արյան ճնշման վրա։
Գիտնականների կարծիքով, բուսակերությունն ընդհանրապես կարող է փոխարինել հիպերտոնիայի բուժման համար օգտագործվող շատ դեղամիջոցների։ Արյան բարձր ճնշումը աշխարհում ամենատարածված առողջական խնդիրներից է։ ԱՄՆ-ում, օրինակ, գրեթե յուրաքանչյուր երրորդ մարդ տառապում է հիպերտոնիայով: