Հոգնածությունն ու սթրեսը արտացոլվում են ոչ միայն մեր էմոցիոնալ վիճակում, այլեւ, իհարկե, արտաքին տեսքով։ Մաշկը սթրեսին արձագանքող առաջին օրգաններից մեկն է։ Եթե սթրեսը քրոնիկ է (ինչպես մեծ քաղաքների բնակիչների մեծ մասը), ապա դեմքի մաշկը դառնում է ավելի խամրած ու անկենդան։ Կան մի շարք բնական միջոցներ, որոնք մաշկին թարմ, կենսունակ տեսք են հաղորդում: սառույց Վերցրեք սառույցի խորանարդը (կարող եք այն դնել պոլիէթիլենային տոպրակի մեջ, որպեսզի այնքան սառը չլինի), սահեցրեք այն ձեր դեմքին։ Այս պրոցեդուրան գուցե ամենահաճելիը չէ քնելուց անմիջապես հետո, բայց իսկապես արդյունավետ է։ Սառույցը խթանում է արյան շրջանառությունը և ձգում ծակոտիները, ինչի արդյունքում մաշկը ավելի պայծառ ու հարթ տեսք ունի: Կիտրոն Կիտրոնը մաշկի համար լավագույն բնական միջոցներից է։ Դրա մեջ պարունակվող կիտրոնաթթուն օգնում է մաշկը մաքուր պահել՝ հեռացնելով մաշկի մահացած բջիջները: Վիտամին C-ն վերացնում է տարիքային բծերը՝ արագացնելով բջիջների նորացման գործընթացը։ Կիտրոնն ունի սպիտակեցնող հատկություն։ Մեղր Մաքուր մաշկ ունենալու համար հարկավոր է այն խոնավ պահել: Մեղրը հիանալի խոնավեցնող է և ունի նաև հակաբակտերիալ հատկություններ, որոնք կանխում են վարակները: Խմորի սոդա Սոդան հավասարակշռում է մաշկի pH-ը, ինչը շատ կարևոր է նրա մաքրության համար։ Բացի այդ, մեղմ հակասեպտիկ և հակաբորբոքային հատկությունները օգնում են պայքարել այնպիսի խնդիրների դեմ, ինչպիսիք են պզուկները, բշտիկները և բծերը: Խմորի սոդան լավ շերտազատում է և մաշկը զերծ է պահում կեղտից և մահացած բջիջներից: Խառնել 1 ճ.գ. խմորի սոդա 1 թ.գ. ջուր կամ կիտրոնի հյութ մածուկի մեջ: Մաքրեք ձեր դեմքը, նրբորեն քսեք մածուկը։ Լվացեք ձեր դեմքը տաք ջրով, չորացրեք սրբիչով: Պրոցեդուրան կատարեք շաբաթական 2-3 անգամ։ Քրքում Այս համեմունքը պարունակում է մաշկը լուսավորող բաղադրիչներ, որոնք օգնում են վերացնել մուգ բծերը և սպիները: Քրքումը կարող է թեթևացնել մաշկի ալերգիկ, վարակիչ և բորբոքային պայմանները:
2022-11-11